சுரங்கத்திற்குள் சிக்கிய 41 பேர்.. வெளியுலகுக்கு கேட்ட முதல் குரல்..இந்தியாவே எதிர்பார்த்த நற்செய்தி

உத்தரகாண்ட் மாநிலம் உத்தரகாசி மாவட்டத்தில் உள்ள சுரங்கப்பாதையில், கடந்த 12ஆம் தேதி ஏற்பட்ட நிலச்சரிவால் 41 தொழிலாளர்கள் சிக்கிக் கொண்டனர். கடந்த 10 நாட்களாக மீட்புப்பணிகள் நடைபெற்று வரும் நிலையில், சிக்கியிருக்கும் தொழிலாளர்கள் அனைவரும் பாதுகாப்பாக இருப்பதாக கூறப்படுகிறது. இந்நிலையில் சுரங்கப்பாதையில் சிக்கிய 41 தொழிலாளர்கள் குறித்த முதல் வீடியோ வெளியாகி உள்ளது. அதில் தொழிலாளர்கள் சிலர் வாக்கி டாக்கி உதவியுடன் மீட்புக்குழுவினருடன் பேசுவது போன்ற காட்சிகள் இடம்பெற்றுள்ளன. மேலும் தங்களை விரைவாக மீட்க வேண்டும் என மீட்பு குழுவினருக்கு அவர்கள் கோரிக்கை விடுத்துள்ளனர்.