89-வது தேசிய விமானப்படை தினம் - விமானப்படை வீரர்கள் சாகசம்

உத்தரப்பிரதேச மாநிலம் காசியாபாத் ஹிண்டன் விமானப்படை தளத்தில் 89-வது இந்திய விமானப்படை தினம் கொண்டாடப்படுகிறது. இதையொட்டி விமானப்படை தளபதி வி.ஆர்.சவுத்திரி தலைமையில் அணிவகுப்பு நடைபெற்றது. முப்படைகளின் தளபதி பிபின் ராவத், இந்தியக் கடற்படை தளபதி கரம்பீர் சிங் உள்ளிட்டோர் இந்த நிகழ்ச்சியில் கலந்து கொண்டனர். வீரதீர செயல்புரிந்த விமானப்படை வீரர்களுக்கு வாயுசேனா விருது வழங்கப்பட்டது. முன்னதாக வீரர்கள் சாகச நிகழ்ச்சி நடைபெற்றது.