கைது செய்யப்பட்ட பிரியங்கா காந்தி - மெழுகுவர்த்தி ஏந்தி காங். கட்சியினர் பேரணி

உத்தரபிரதேச மாநிலம் சீதாப்பூரில், குடியிருப்பு ஒன்றில் பிரியங்கா காந்தி கைது செய்யப்பட்டு அடைத்து வைக்கப்பட்டுள்ளார். அந்த குடியிருப்புக்கு வெளியே காங்கிரஸ் கட்சியினர், கைகளில், மெழுகுவர்த்தி ஏந்தியபடி, பேரணி நடத்தினர். உத்தரபிரதேச வன்முறைக்கு சம்பவத்திற்கு எதிர்ப்பு தெரிவித்து, பிரியங்கா காந்தி, போராட்டம் நடத்திய நிலையில் கைது செய்யப்பட்டிருப்பது குறிப்பிடத்தக்கது. லக்கிம்பூர் சம்பவத்திற்கு எதிர்ப்பு தெரிவித்து, டெல்லியில், காங்கிரஸ் கட்சியினர் மெழுகுவர்த்தி ஏந்தி பேரணி நடத்தினர். இளைஞர் காங்கிரஸ் சார்பில் நடத்தப்பட்ட இந்த ஆர்ப்பாட்டத்தில் இளைஞர்கள் அனைவரும் கைகளில் மெழுகுவர்த்தி ஏந்திய படி முழக்கங்களை எழுப்பினர்.
உத்தரபிரதேசத்தில், பிரியங்கா காந்தி கைதுக்கு எதிர்ப்பு தெரிவித்து, திருச்சியில் சாலை மறியலில் ஈடுபட்ட கரூர் எம்பி ஜோதிமணி உள்ளிட்ட காங்கிரசார் கைது செய்யப்பட்டனர். திருச்சி மெயின்கார்கேட்டில் உள்ள காங்கிரஸ் அலுவலகத்திலிருந்து முழக்கம் எழுப்பியபடி கோட்டை வாசலுக்கு வந்து அங்கு சாலை மறியலில் ஈடுபட்டனர். அப்போது மத்திய அரசுக்கு எதிராக முழக்கம் எழுப்பிய அவர்களை போலீசார் கைது செய்தனர்.