சொகுசு கப்பலில் போதை விருந்து - நடிகர் ஷாருக்கானின் மகன் ஆர்யன் கான் கைது

இந்தியாவின் முதல் அதிநவீன உல்லாச கப்பல் என்ற பெருமையுடன் 2 வாரங்களுக்கு முன்பு  "எம்பிரஸ்" தனது கடல் பயணத்தை தொடங்கியது. இந்த கப்பலில் போதை விருந்து நடப்பதாக போதை பொருள் ஒழிப்பு போலீசாருக்கு ரகசிய தகவல் கிடைத்துள்ளது. இதனை தொடர்ந்து தனி படகு ஒன்றில் சென்ற போலீசார், எம்பிரஸ் கப்பலில் சோதனை செய்தனர். அப்போது விருந்தில் பங்கேற்று இருந்தவர்கள் கொகைன் உள்ளிட்ட போதைப் பொருட்களை பயன்படுத்தி இருந்தது தெரிய வந்ததால், அங்கு 7 மணி நேரம் சோதனை நடைபெற்றது. இந்த சோதனையின் முடிவில், 12 பேர் கைது செய்யப்பட்ட நிலையில்,  பாலிவுட் சூப்பர் ஸ்டார்  ஷாருக்கானின் மகன் ஆர்யன்கானும்  கைது செய்யப்பட்டுள்ளார். இதையடுத்து,  அனைவரையும் சிறையில் அடைப்பதற்காக, மருத்துவ பரிசோதனை உள்ளிட்ட நடவடிகைகளில் போலீசார் இறங்கியுள்ளனர்.