"மாற்று மதத்தினருடன் எவ்வாறு செல்லலாம்?" - மருத்துவக் கல்லூரி மாணவியிடம் வாக்குவாதம்

கர்நாடகாவில் மாற்று மத நண்பர்களுடன் காரில் சென்ற மருத்துவக் கல்லூரி மாணவியிடம், தகராறு செய்த பஜ்ரங் தள் அமைப்பை சேர்ந்த 5 பேர் கைது செய்யப்பட்டனர். மங்களூரை சேர்ந்த மருத்துவக் கல்லூரி மாணவர்கள் ஏழு பேர், கடந்த ஞாயிற்றுக்கிழமை காரில் சுற்றுலா சென்றுள்ளனர். அவர்கள் விடுதிக்கு திரும்பியபோது மங்களூரு அருகே பஜ்ரங் தள் அமைப்பைச் சேர்ந்த 5 பேர் காரை வழிமறித்து உள்ளனர். அந்தக் காரில் சென்ற, மருத்துவக் கல்லூரி மாணவி இந்து மதத்தை சேர்ந்தவர் என்றும், மற்ற மாணவர்கள் மாற்று மதத்தை சேர்ந்தவர்கள் என்றும் கூறப்படும் நிலையில், மாற்று மதத்தினருடன் எவ்வாறு இந்து மத பெண் செல்லலாம் என பஜ்ரங் தள் அமைப்பினர் வாக்குவாதத்தில் ஈடுபட்டு உள்ளனர். காரில் இருந்தவர்களை அவர்கள் தாக்க முயன்ற நிலையில், இந்த காட்சிகள் சமூக வலைதளங்களில் பகிரப்பட்டன. இந்நிலையில், சம்பவத்தில் ஈடுபட்ட பஜ்ரங் தள் அமைப்பை சேர்ந்த 5 பேரை மங்களூரு போலீசார் கைது செய்து உள்ளனர்.