"ஒரு விநாடியைக் கூட வீணாக்கக்கூடாது"- மோடி

லட்சியத்தை அடை, ஒரு விநாடியைக் கூட வீணாக்காமல் உழைக்க வேண்டும் என பிரதமர் மோடி அறிவுறுத்தி உள்ளார்.டெல்லி செங்கோட்டையில் சுதந்திர தின உரையாற்றி பிரதமர் மோடி, மாறி வரும் காலத்துக்கு ஏற்ப நம்மை தகவமைத்து கொள்ள வேண்டும் என்றார்.அடுத்த 25 ஆண்டுகளில் நாம் இலக்கை அடைய கடுமையாக உழைக்க வேண்டும் என்றும், வளர்ச்சி பாதையில் இந்தியா மிக வேகமாக செல்வதாகவும் குறிப்பிட்டார். மருத்துவ வசதி உள்ளிட்ட திட்டங்கள் மக்களை வேகமாக சென்றடைய வேண்டும் என்ற பிரதமர் மோடி,அரசு தீட்டும் திட்டங்களின் பயனை மக்கள் பெற வேண்டும் என கேட்டுக்கொண்டார். உஜ்வாலா முதல் ஆயுஷ்மன் பாரத் திட்டம் வரை பல்வேறு திட்டங்கள் ஏழைகளுக்கு உதவியாக உள்ளதாக கூறிய அவர், ஒவ்வொரு வீட்டிலும் குடிநீர் வசதி ஏற்படுத்த திட்டமிட்டு அரசு செயல்படுவதாக குறிப்பிட்டார். கோடிக் கணக்கான வீடுகளுக்கு குழாய் இணைப்பு மூலம் குடிநீர் வழங்க நடவடிக்கை எடுத்து வருவதாகவும், நமது லட்சியங்களை அடைய, ஒரு வினாடியை கூட வீணடிக்காமல் உழைக்க தொடங்க வேண்டும் என்றும் பிரதமர் மோடி வலியுறுத்தினார்.