"யாருக்கும் சளைத்தவர்கள் அல்ல என நிரூபிப்போம்"- மோடி

டெல்லி செங்கோட்டையில் சுதந்திர தின உரையாற்றிய பிரதமர் மோடி, 

கொரோனா தடுப்பூசி கண்டுபிடித்தவர்கள் மற்றும் ஒலிம்பிக் வீரர்களுக்கு புகழாரம் சூட்டினார். டெல்லி செங்கோட்டையில் தேசியக் கொடியை ஏற்றி வைத்து பேசிய பிரதமர் மோடி, நாட்டு மக்களுக்கு சுதந்திர தின வாழ்த்துக்கள் என தொடங்கினார். காந்தி, நேதாஜி, அம்பேத்கார், ஜவஹர்லால் நேரு, சர்தார் வல்லபாய் பட்டேல் உள்ளிட்ட அனைவரின் தியாகத்தையும் நினைவுகூர்வோம் என்ற பிரதமர் மோடி,வரலாற்றில் பெயர் குறிப்பு இல்லாத, நாட்டை கட்டமைக்க பாடுபட்ட அனைவரையும் நினைவுகூறுவோம் என்றும், விடுதலை போராட்ட வீரர்களை நினைவு கூர்வதற்கான தினம் இன்றும் தெரிவித்தார்.கட்டமைப்பு குறைவாக இருந்தாலும், கொரோனா தடுப்பூசி கண்டுபிடிக்கப்பட்டுள்ளதாக கூறிய மோடி, தடுப்பூசி கண்டறிந்த விஞ்ஞானிகள், மருத்துவர்கள், செவிலியர்கள் என அனைவருக்கும் எனது வணக்கம் என்றார். ஒலிம்பிக் போட்டியில், நாட்டுக்கு பெருமை தேடித்தந்த விளையாட்டு வீரர்களுக்கு கைதட்டி உற்சாகப்படுத்திய பிரதமர் மோடி, வருங்கால தலைமுறைக்கு அவர்கள் வழிகாட்டி உள்ளதாக புகழாரம் சூட்டினார்