கனமழையால் கடும் பாதிப்பு - இதுவரை 15 பேர் உயிரிழப்பு

மேற்கு வங்க மாநிலத்தில் கனமழை பெய்து வருகிறது. இதனால் பல மாவட்டங்களை மழைவெள்ளம்  சூழ்ந்துள்ளது. பாங்குரா, புருலியா, ஜார்கிராம் உள்ளிட்ட பல மாவட்டங்களிலும் , கொல்கத்தா மாநகரிலும் நாளை வரை  கனமழை பெய்யும் என்று வானிலை ஆய்வு மையம் தெரிவித்துள்ளது. கிழக்கு மற்றும் மேற்கு மிட்னாப்பூர், தெற்கு 24 பர்கானா மாவட்டங்களில் இன்று 11 சென்டி மீட்டர் வரை கனமழை பெய்யக்கூடும் என்று தெரிவிக்கப்பட்டுள்ளது. கனமழை காரணமாக லட்சக்கணக்கானோர் பாதிக்கப்பட்டுள்ளதாகவும், இதுவரை 15 பேர் உயிரிழந்துள்ளதாகவும் தெரிவிக்கப்பட்டுள்ளது.