உத்தரகாண்ட் புதிய முதல்வர் திரத் சிங் ராவத் மாலை 4 மணிக்கு பதவியேற்கிறார்

உத்தரகாண்ட் முதலமைச்சராக இருந்த திரிவேந்திர சிங் ராவத் ராஜினாமா செய்த நிலையில், புதிய முதலமைச்சரை தேர்வு செய்வதற்கான கூட்டம் டேராடூனில் நடைபெற்றது. பா.ஜ.க. சட்டமன்ற உறுப்பினர்கள் குழுக் கூட்டத்தில் உத்தரகாண்ட் மாநில புதிய முதல்வராக தீரத் சிங் ராவத் தேர்ந்தெடுக்கப்பட்டு உள்ளார். இந்த தகவலை திரிவேந்திர சிங் ராவத் அறிவித்தார். புதிய முதல்வராக தேர்வு செய்யப்பட்டிருக்கும் தீரத் சிங் ராவத் இன்று மாலை 4 மணிக்கு பதவியேற்கிறார். தீரத் சிங் ராவத் கார்வால் மக்களவைத் தொகுதியில் இருந்து மக்களவைக்கு தேர்வானவர்.  கடந்த  2013 முதல் 2015 வரை  மாநில பா.ஜ.க. தலைவராகவும், 2012 முதல் 2017 வரை சவுப்தக்கல் தொகுதி சட்டமன்ற உறுப்பினராகவும் இருந்துள்ளார்.