மிஸ் இந்தியா 2020 பட்டம் : தெலுங்கானாவைச் சேர்ந்த மானசா முதலிடம்....

தெலுங்கானாவைச் சேர்ந்த 23 வயதான மானசா வாரணாசி, மிஸ் இந்தியா 2020 பட்டத்தை வென்றுள்ளார். இரண்டாவது இடத்தை உத்தரபிரதேசத்தை சேர்ந்த ரிக்‌ஷா தொழிலாளியின் மகள் மன்யா சிங் பிடித்துள்ளார்.வி.எல்.சி.சி ஃபெமினா சார்பாக ஒவ்வொரு ஆன்டும் நடக்கும் இந்த நிகழ்ச்சியில்,  கடந்த ஆண்டிற்கான அறிவிப்பு நேற்று வெளியாகியுள்ளது. தெலுங்கானாவைச் சேர்ந்த 23 வயதான மானசா வாரணாசி மிஸ் இந்தியா 2020 பட்டத்தை வென்றுள்ளார். நிதி தகவல் பரிமாற்ற ஆய்வாளராக பணியாற்றி வரும் இவர் தற்போது ஐதராபாத்தில் வசித்து வருகிறார். இவர் டிசம்பர் மாதம் நடக்கவிருக்கும்  2021ம் ஆண்டிற்கான உலக அழகிப் போட்டிக்கு இந்தியாவின் சார்பாக பங்கேற்கவுள்ளார். அரியானாவைச் சேர்ந்த மனிகா சிஷோகந்த் மற்றும் உத்திர பிரதேசத்தைச் சேர்ந்த மன்யா சிங் ஆகிய இருவரும் இரண்டாம் இடத்தைப் பிடித்துள்ளனர்.  குஷிநகரைச் சேர்ந்த ரிக்‌ஷா ஓட்டுநரின் மகளான மன்யா சிங் இது குறித்து தெரிவிக்கையில், பல தூக்கமில்லாத இரவுகள் மற்றும் பல வருட கடின உழைப்பிற்குப் பிறகே இந்த வெற்றி கிடைத்ததாகவும், புத்தகங்கள் மற்றும் ஆடைகளுக்காக  தான் ஏங்கியதாகவும், தனது போராட்டங்களைப் பற்றிக் கூறினார்.