மணிப்பூர் முதல்வர் பிரென் சிங்கிற்கு கொரோனா தொற்று

மணிப்பூர் மாநில முதல்வர் பிரென் சிங்கிற்கு கொரோனா தொற்று உறுதியாகியுள்ளது. இதனை தனது ட்விட்டர் பதிவின் மூலம், முதல்வர் பிரென் சிங் தெரியப்படுத்தி உள்ளார். அதில், தனக்கு கோவிட்-19 தொற்று ஏற்பட்டது உறுதியானது என்றும், தன்னுடன் தொடர்பில் இருந்தவர்கள் தனிமைப்படுத்திக் கொள்ளவேண்டும் எனவும் கேட்டுக் கொண்டுள்ளார். மணிப்பூர் மாநிலத்தில் இதுவரை 21 ஆயிரத்து 636 பேருக்கு கொரோனா தொற்று ஏற்பட்டதும், 218 பேர் கொரோனாவுக்கு பலியானதும் குறிப்பிடத்தக்கது.