இந்தியாவில் தொடரும் கொரோனா பாதிப்பின் தாக்கம்- 20 லட்சத்தை நெருங்கும் பாதிக்கப்பட்டோரின் எண்ணிக்கை

இந்தியாவில் கொரோனா வைரசால் பாதிக்கப்பட்டோரின் எண்ணிக்கை 19 லட்சத்து 64 ஆயிரத்து 536 ஆக உயர்ந்துள்ளது. இதுவரை மொத்தம் 13 லட்சத்து 28 ஆயிரத்து 336 பேர் கொரோனாவில் இருந்து குணமடைந்து வீடு திரும்பி உள்ளனர். 40 ஆயிரத்து 699 பேர் கொரோனா வைரசால் பாதிக்கப்பட்டு உயிரிழந்துள்ளனர். தற்போது 5 லட்சத்து 95 ஆயிரத்து 501 பேர் கொரோனாவுக்கு சிகிச்சை பெற்று வருகின்றனர்.  கடந்த 24 மணி நேரத்தில் மட்டும், இதுவரை இல்லாத வகையில் 56 ஆயிரத்து 282 பேர் கொரோனாவால் பாதிக்கப் பட்டுள்ளனர். கடந்த 24 மணி நேரத்தில், 904 பேர் கொரோனாவால் உயிரிழந்துள்ளனர். கடந்த 24 மணி நேரத்தில் 46 ஆயிரத்து 121 பேர் குணமடைந்து வீடு திரும்பி உள்ளனர். இந்தியாவில் இதுவரை மொத்தம் 2 கோடியே 21 லட்சத்து 49 ஆயிரத்து 351 கொரோனா பரிசோதனைகள் செய்யப்பட்டுள்ளன . நேற்று மட்டும் ஒரே நாளில் 6 லட்சத்து 64 ஆயிரத்து 949 கொரோனா  பரிசோதனைகள் செய்யப்பட்டுள்ளன.

=============