முத்த சாமியாரை காவு வாங்கிய கொரோனா - சாமியாருடன் தொடர்பில் இருந்தவர்களை தேடும் பணி தீவிரம்

மத்திய பிரதேச மாநிலம் ரட்லம் பகுதியை சேர்ந்தவர் சாமியார் அஸ்லாம் பாபா. கொரோனா அச்சம் உலகெங்கும் உள்ள நிலையில் முத்தம் கொடுத்து அதை சரிசெய்வேன் என கூறியிருக்கிறார் இவர். இதனை நம்பி ஏராளமானோர் சாமியாரை தேடி சென்று முத்தங்களை ஆசியாக வாங்கியுள்ளனர். இந்த சூழலில் தான் சாமியார் அஸ்லாம் பாபாவுக்கு கொரோனா தொற்று இருப்பது உறுதியானது. இதைத் தொடர்ந்து அவர் கடந்த 4ஆம் தேதி உயிரிழந்தார். ஆனால் அவரிடம் சிகிச்சை பெற்ற 19 பேருக்கும் தொற்று உறுதி செய்யப்பட்டுள்ளது. மேலும் ரட்லம் மாவட்டத்தில் 100க்கும் மேற்பட்டோருக்கும் கொரோனா தொற்று உறுதியாகி இருப்பதால் மக்களிடையே அச்சம் ஏற்பட்டுள்ளது.