பிரேசில் புறப்பட்டார் பிரதமர் மோடி

பிரேசிலில் நடைபெறும் பிரிக்ஸ் மாநாட்டில் பங்கேற்பதற்காக, டெல்லியில் இருந்து பிரதமர் மோடி புறப்பட்டுச் சென்றார். பிரேசில், ரஷ்யா, இந்தியா, சீனா, தென் ஆப்பிரிக்கா ஆகிய 5 நாடுகள் அடங்கிய 'பிரிக்ஸ்' அமைப்பின் மாநாடு நாளையும் நாளை மறுநாளும் நடைபெறும் நிலையில், தொடர்ந்து ஆறாவது முறையாக இந்த மாநாட்டில் பிரதமர் மோடி கலந்து கொள்கிறார். பிரதமருடன் உயர்நிலை வர்த்தக குழுவும் பிரேசில் சென்றுள்ளது. இதற்கிடையே, நாளை சீன அதிபர் ஜின்பிங், ரஷ்ய அதிபர் புடின் ஆகியோரையும் தனியாக சந்திக்கிறார், பிரதமர்  மோடி.