காரில் செம்மரம் கடத்த முயற்சி - தமிழகத்தை சேர்ந்த 5 பேர் உள்பட 8 பேர் கைது
காரில் செம்மரம் கடத்த முயன்ற, தமிழகத்தை சேர்ந்த 5 பேர் உள்பட 8 பேரை, ஆந்திரா மாநில வனத்துறையினர் கைது செய்தனர்.
கடப்பா மாவட்டம் கண்ணலவாகு ஏரி அருகே, சிலர் செம்மரங்களை கடத்துவதாக வனத்துறையினருக்கு தகவல் கிடைத்தது. இதையடுத்து வனத்துறையினர் அந்த இடத்திற்கு சென்று அதிரடி சோதனை மேற்கொண்டனர். அப்போது, இனோவா கார் ஒன்று, செம்மரங்களை கடத்துவதற்கு தயார் நிலையில் இருந்தது. அந்த காரை மடக்கிய வனத்துறை, அதன் உரிமையாளர் அனந்தபுரம் மாவட்டம் கதிரியை சேர்ந்த வெங்கடரமணா என்பவரை கைது செய்தது. அவருடன் செம்மரக்கடத்தலில் ஈடுபட முயன்ற, தமிழகத்தை சேர்ந்த 5 பேர் உள்பட 8 பேரை, கைது செய்தது. பின்னர் காரில் இருந்த ஐந்து லட்ச ரூபாய் மதிப்புள்ள செம்மரக்கட்டைகளையும் பறிமுதல் செய்தனர்.
Next Story
