பொதுமக்கள் முன்னிலையில் போலீசார் மீது தாக்குதல் - ரவுடி சகோத‌ரர்கள் நடத்திய கொலை வெறி தாக்குதல்

புதுச்சேரி அருகே உள்ள கரிக்கலாம்பக்கம் பகுதியை சேர்ந்த ரவுடி ஜோசப். சமீபத்தில், சிதம்பரம் பெட்ரோல் பங்கில் ஊழியர்களை கத்தியால் வெட்டி பணத்தை பறித்த, அதே ரவுடி ஜோசப் தான். இந்த வழக்கில் கைதாகி வெளிய வந்த ஜோசப், சொந்த ஊருக்கு திரும்பியுள்ளார். அப்போது, கரிக்கலாம்பாக்கம் போலீசார் அவரை தடுத்து விசாரித்ததாக தெரிகிறது. அப்போது போலீசாருக்கும் ஜோசப்பிற்கும் இடையே தள்ளு முள்ளு ஏற்பட்டுள்ளது. இதையடுத்து, அங்கு வந்த ஜோசப்பின் தம்பி தமிழ், அண்ணணுடன் சேர்ந்து போலீசாரை கடுமையாக தாக்கியுள்ளார். இந்த தாக்குதலில் காயமடைந்த போலீசார் சிவகுரு மற்றும் மைக்கேல் ஆகியோர் மருத்துவமனையில் அனுமதிக்கப்பட்டுள்ளனர். பொதுமக்கள் வேடிக்கை பார்க்க, போலீசாரை தாக்கிவிட்டு தப்பி ஓடிய ரவுடி சகோத‌ர‌ர்களை போலீசார் தீவிரமாக தேடி வருகின்றனர்.