கேரளாவில் தமிழ் கலைகளை போற்றும் வகையில் 3 நாட்கள் தமிழ் இசை விழா

கேரளாவில் தமிழ் கலைகளை போற்றும் வகையில் 3 நாள் தமிழ் இசை விழா நடைபெற்று வருகிறது. கேரள மாநிலம் திருவனந்தபுரத்தில் 56 ஆண்டுகளாக இயங்கி வரும் திருவனந்தபுரம் தமிழ் சங்கம் மற்றும் தமிழ்நாடு இயல் இசை நாடக மன்றம் ஆகியவை சார்பில் தமிழ் இசை விழா கடந்த 20ஆம் தேதி முதல் 3 நாட்களாக நடைபெற்று வருகிறது. சொற்பொழிவு, கர்நாடக சங்கீதம், வில்லிசை, பரதநாட்டியம் என பல வகை நிகழ்ச்சிகள் இவ்விழாவில் இடம்பெற்றன. தமிழ் கலைகளை போற்றும் வகையில் ஆண்டு தோறும் இது போன்ற நிகழ்ச்சிகள் நடைபெற்று வருவதாக விழா ஒருங்கிணைப்பாளர்கள் தெரிவித்துள்ளனர்.