வழிதவறி நடுரோட்டுக்கு வந்த முதலை - முதலையை மீட்டு ஏரியில் விட்ட வனத்துறையினர்

தெலங்கானா  மாநிலத்தில் முதலை ஒன்று நடுரோட்டுக்கு வந்தது. நிஜாமாபாத் மாவட்டத்தில் உள்ள துட் கிராமத்தில் கடந்த சில நாட்களாக கனமழை பெய்து வருகிறது. இதனால் அந்த பகுதியில் உள்ள ஏரியில் இருந்த முதலை ஒன்று வெளியேறியது. பின்னர் அந்த முதலையானது அருகில் உள்ள சாலைக்கு வந்ததால் வழிதெரியாமல் அச்சத்தில் சாலையின் நடுவே நின்றது. இதுகுறித்த தகவலறிந்த வனத்துறையினர் முதலையை பொக்லைன் இயந்திரம் மூலம் பிடித்து அதனை மீண்டும் ஏரியில் விட்டனர்.