ஆயுதங்கள் - வெடி பொருட்களுடன் சிக்கிய லாரி : ஜெய்ஷ்-இ-முகமது இயக்க தீவிரவாதிகள் 3 பேர் கைது
ஜம்மு - காஷ்மீர் மாநிலம் கத்துவா என்ற இடத்தில் பாதுகாப்பு படை வீரர்கள் நடத்திய வாகன சோதனையில், ஆயுதங்கள் மற்றும் வெடி பொருட்களுடன் வந்த லாரி ஒன்று பிடிபட்டது.
இந்த லாரியில், ஏ.கே. 56 ரக துப்பாக்கிகள், ஏ.கே. 47 ரக துப்பாக்கிகள், 6 மேகசின் மற்றும் வெடி மருந்துகள் இருந்தன. இந்த லாரியில் இருந்த 3 பேர் கைது செய்யப்பட்டனர். இவர்கள் மூவரும் ஜெய்ஷ் - இ- முகமது இயக்க தீவிரவாதிகள் என்று கத்துவா மாவட்ட போலீஸ் உயரதிகாரி தெரிவித்தார். தற்கொலைப்படை தாக்குதல் நடத்த, திட்டமிட்டு, தீவிரவாதிகள் ஊடுருவி இருப்பது, விசாரணையில் தெரிய வந்தது. ஆயுதங்களும் வெடி பொருட்களும் பறிமுதல் செய்து விட்டதால், நாசவேலையில் ஈடுபட தீவிரவாதிகள் தீட்டிய சதித்திட்டம் முறியடிக்கப்பட்டு விட்டது.
Next Story
