3 சிறுத்தைகள் மர்மமாக உயிரிழப்பு : வனத்துறையினர் தீவிர விசாரணை

மைசூர் அருகே 3 சிறுத்தைகள் மர்மமான முறையில் உயிரிழந்த சம்பவம் அதிர்ச்சியை ஏற்படுத்தியுள்ளது.  நஞ்சன்கூடு வனப்பகுதியை ஒட்டிய விவசாய நிலத்தில் 3 சிறுத்தைகள் இறந்து கிடப்பதாக வந்த தகவலையடுத்து வனத்துறை அதிகாரிகள் கால்நடைமருத்துவருடன் அங்கு விரைந்தனர். சிறுத்தைகளின் உடல்களை ஆய்வு செய்த போது அவை இயற்கையான முறையில் இறக்கவில்லை என்று தெரிய வந்தது. இது தொடர்பாக வனத்துறையினர் தீவிர விசாரணை நடத்தி வருகின்றனர்.