நிலவின் ஆய்வில் தொடர்ந்து முனைப்பு காட்டுவோம் - இஸ்ரோ விஞ்ஞானிகள் விளக்கம்

தற்போதைய பின்னடைவு குறித்து கவலைப்படாமல் நிலவின் ஆய்வில் தொடர்ந்து முனைப்பு காட்ட உள்ளதாக 'இஸ்ரோ', வெளியிட்டுள்ள அறிக்கையில், கூறப்பட்டுள்ளது. சந்திரயான் 2 திட்டத்தில், 90 முதல் 95 சதவிகித பணிகள் நிறைவடைந்ததாகவும், முந்தைய திட்டங்களை ஒப்பிடும்போது சந்திரயான்- 2 திட்டத்தில் மிகப் பெரிய தொழில்நுட்ப முன்னேற்றம் ஏற்பட்டுள்ளதாகவும் கூறப்பட்டுள்ளது. சந்திரயான் 2 ஏவப்பட்டதில் இருந்து, ஒவ்வொரு நிகழ்வையும் உலக நாடுகள் உற்று நோக்கி கொண்டு இருந்ததாகவும், இஸ்ரோ அறிக்கையில் தெரிவிக்கப்பட்டுள்ளது. நிலவின் சுற்று வட்டப்பாதையில் திட்டமிட்டபடி ஆர்பிட்டர்  சுற்றிக் கொண்டு இருப்பதால, அதன் மூலம், நிலவை ஆய்வு செய்ய முடியும் என்றும் கூறப்பட்டுள்ளது.