சட்ட விரோத பண பரிவர்த்தனை வழக்கு - முன்னாள் அமைச்சர் டி.கே. சிவக்குமார் கைது

கர்நாடக காங்கிரஸ் கட்சியின் மூத்த தலைவரும், முன்னாள் அமைச்சருமான D.K. சிவக்குமார் கைது செய்யப்பட்டார். சட்ட விரோத பண பரிவர்த்தனை வழக்கில், அமலாக்கத்துறை இந்த அதிரடி நடவடிக்கையை எடுத்துள்ளது. புதுடெல்லியில் உள்ள சிவக்குமார் வீட்டில் இருந்து 8 கோடியே 50 லட்சம் ரூபாய் கைப்பற்றப்பட்ட விவகாரம் தொடர்பாக, அமலாக்கத்துறை அலுவலகத்தில் கடந்த 4 நாட்களாக அவரிடம் விசாரணை நடத்தப்பட்டு வந்தது. விசாரணையின் முடிவில் டி.கே. சிவக்குமாரை கைது செய்த அமலாக்கத்துறை , புதன்கிழமை நீதிமன்றத்தில் ஆஜர்படுத்த முடிவு செய்துள்ளது.

டி.கே. சிவக்குமார் கைது செய்யப்பட்டதற்கு எதிராக தலைநகர் டெல்லியில், காங்கிரஸ் தொண்டர்கள், திடீர் ஆர்ப்பாட்டத்தில் ஈடுபட்டனர். பாதுகாப்புக்கு வந்த போலீசாருடன் ஆர்ப்பாட்டக்காரர்கள், தள்ளு முள்ளு- மோதலில் ஈடுபட்டதால், பரபரப்பு நிலவியது.