கர்நாடகா, ஆந்திரா, வடமாநிலங்களில் தொடரும் கனமழை : ஆறுகளில் வெள்ளப்பெருக்கு- போக்குவரத்து பாதிப்பு

இதேபோல, கனமழையால், ஆந்திரா- ஒடிசா எல்லைப்பகுதியிலும் வெள்ளப்பெருக்கு ஏற்பட்டுள்ளது. ஸ்ரீகாகுளம் மாவட்டத்தில்  வம்சதாரா, நாகவள்ளி ஆறுகளில் வெள்ளநீர் பெருக்கெடுத்து ஓடுவதால், கரையோரத்தில் உள்ள கிராமங்கள் வெள்ளத்தில் மிதக்கின்றன. 

ஒடிசாவில் பெய்து வரும் கனமழையால், பல இடங்களில் வெள்ளப்பெருக்கு ஏற்பட்டுள்ளது. சாலைகள் வெள்ளத்தில் அடித்து செல்லப்பட்டதால், மக்கள், அபாயகரமான முறையில், கயிற்றை கொண்டு வெள்ளத்தை கடந்து செல்கின்றனர். கலகண்டி, மால்காங்கிரி மாவட்டங்களில் உள்ள பல கிராமங்கள் வெள்ளத்தில் மிதக்கின்றன. கெண்டுகுடா என்ற கிராமத்தில் வெள்ளத்தில் சிக்கி தவித்த இரண்டு கர்ப்பிணிகள், இரு குழந்தைகள் என 5 பேர் பத்திரமாக மீட்கப்பட்டுள்ளனர். கஜபதி என்ற பகுதியில் தரைக்கு மேல் 3 அடி உயரத்திற்கு வெள்ளநீர் பெருக்கெடுத்து ஓடுகிறது. அங்கு வெள்ளத்தில் சிக்கி தவித்த 650 பேர் பத்திரமாக மீட்கப்பட்டு, நிவாரண முகாம்களில் தங்க வைக்கப்பட்டுள்ளனர்.

இதேபோல, சட்டீஸ்கர் மாநிலத்தின் ராய்பூரிலும், பெரும்பாலான பகுதிகளில் கனமழை கொட்டி வருகிறது.