டெல்லியில் நிதியமைச்சர் நிர்மலா சீதாராமனுடன் திருமாவளவன் சந்திப்பு

டெல்லியில் நிதியமைச்சர் நிர்மலா சீதாராமனுடன், விடுதலை சிறுத்தைகள் கட்சி எம்.பி. திருமாவளவன் மற்றும் ரவிக்குமார் ஆகியோர் சந்தித்தனர்.அப்போது, விழுப்புரம் தொகுதி தொடர்பாகவும், தமிழகத்திற்கான திட்டங்கள், எஸ்.சி.- எஸ்.டி. மக்களுக்கான திட்டங்கள் தொடர்பாகவும் 19 கோரிக்கை அடங்கிய மனுவை நிதியமைச்சரிடம் அளித்தனர். மேலும், விழுப்புரத்தில் நகைத் தொழிலாளர்களுக்கான பூங்கா அமைத்தல், உளுந்தூர்பேட்டையில் விமான நிலையம் துவக்குதல், கடல்நீரை குடிநீராக்கும் திட்டங்களுக்கு நிதி ஒதுக்குதல் உள்ளிட்ட திட்டங்கள் தொடர்பாகவும் கோரிக்கை மனு அளிக்கப்பட்டது.