ஜம்மு-காஷ்மீரில் போலீசார் மீது தீவிரவாதிகள் தாக்குதல்

ஜம்மு, காஷ்மீர் மாநிலம் அனந்தநாக் கே.பி. சாலையில் போலீசார் ​மீது, தீவிரவாதிகள் நடத்திய தாக்குதலில் ஐந்து சி.ஆர்.பி.எப். வீரர்கள் உயிரிழந்தனர். தாக்குதல் நடத்திய தீவிரவாதிகள் மீது, போலீசார் மற்றும் துணை ராணுவத்தினர் எதிர்தாக்குதல் நடத்தியதில் 2 தீவிரவாதிகள் கொல்லப்பட்டனர். ஆயுதத்தை கீழே போட்டு விட்டு பேச்சுவார்த்தைக்கு வருமாறு அம்மாநில ஆளுநர் சத்யபால் மாலிக், தீவிரவாதிகளுக்கு அழைப்பு விடுத்த நிலையில் இந்த சம்பவம் நடைபெற்று உள்ளது. இந்த தாக்குதலில் படுகாயம் அடைந்த அனந்தநாக் ஆய்வாளர் உள்பட 4 பேர் மருத்துவமனையில் அனுமதிக்கப்பட்டு உள்ளனர். இதனிடையே இந்த தாக்குதலுக்கு அல் உமர் முஜாகிதீன் அமைப்பு பொறுப்பேற்றுள்ளது.