கேரளாவில் கனமழைக்கு வாய்ப்பு : பெரும்பாலான மாவட்டங்களுக்கு சிவப்பு, மஞ்சள் எச்சரிக்கை

கேரளாவில் கனமழைக்கு வாய்ப்பு உள்ளதால் பெரும்பாலான மாவட்டங்களுக்கு ரெட், ஆரஞ்ச், மஞ்சள் எச்சரிக்கை விடுக்கப்பட்டுள்ளது. அரபிக் கடலில் குறைந்த காற்றழுத்த தாழ்வு மண்டலம் உருவாகும் நிலையில். வரும் 10 ஆம் தேதி திருச்சூர் மாவட்டத்திற்கும் 11 ஆம் தேதி எர்ணாகுளம், மலப்புரம், கோழிக்கோடு மாவட்டங்களுக்கும் சிவப்பு எச்சரிக்கையும் விடுக்கப்பட்டுள்ளது. 9 மற்றும் 10 ஆம் தேதிகளில் லட்சத்தீவுக்கு ரெட் அலர்ட் விடுக்கப்பட்டுள்ளது. திருவனந்தபுரம், கொல்லம், ஆலப்புழை, எர்ணாகுளம் ஆகிய மாவட்டங்களுக்கு சனிக்கிழமை மஞ்சள் எச்சரிக்கையும், வரும் 9,10 தேதிகளில் கோட்டயத்திற்கு மஞ்சள் எச்சரிக்கையும் விடுக்கப்பட்டு உள்ளது. இதேபோன்று 9,10 தேதிகளில் திருவனந்தபுரம், கொல்லம், ஆலப்புழை மாவட்டங்களுக்கு மஞ்சள் எச்சரிக்கையும், பதினொராம் தேதி ஆலப்புழை, கோட்டயம் மாவட்டங்களுக்கு மஞ்சள் எச்சரிக்கையும், 9,10 தேதிகளில் கோட்டயம், இடுக்கி, பாலக்காடு மாவட்டங்களுக்கும்,  மலப்புரம், கோழிக்கோடு மாவட்டங்களுக்கும் 9 ஆம் தேதி மஞ்சள் எச்சரிக்கையும் விடுக்கப்பட்டு உள்ளது.