பழமையான பஞ்சாலையில் திடீர் தீ விபத்து

புதுச்சேரி முதலியார்பேட்டை பகுதியில் உள்ள பழமையான ஏ.எப்.டி பஞ்சாலையில் திடீர் தீ விபத்து ஏற்பட்டது.தானே புயலின் போது ஏற்பட்ட பாதிப்பாலும்,  ஊழியர்களின் ஊதியப் பிரச்சனை காரணமாகவும்  கடந்த 3ஆண்டுகளாக இந்த ஆலை இயங்கவில்லை. இந்நிலையில் பஞ்சாலையில் பழைய பொருட்கள் வைத்திருந்த பகுதியில் திடீர் தீ விபத்து ஏற்பட்டது. தகவலறிந்த தீயணைப்புத்துறையினர் சம்பவ இடத்திற்கு விரைந்து போராடி  தீயை அணைத்தனர்.தீ விபத்துக்கான காரணம் குறித்து போலீசார் விசாரித்து வருகின்றனர்.