மத்தியபிரதேச முதலமைச்சரின் சிறப்பு அதிகாரி வீட்டில் சோதனை
மத்திய பிரதேசத்தில் காங்கிரஸ் முதலமைச்சர் கமல்நாத்தின் சிறப்பு அதிகாரி வீட்டில் வருமான வரித்துறை அதிகாரிகள் சோதனையில் ஈடுபட்டுள்ளனர்.
மத்தியபிரதேச முதலமைச்சர் கமல்நாத்திடம் சிறப்பு அதிகாரியாக பணிபுரியும் பிரவீன் கக்காரின் வீடு இந்தூரில் உள்ளது. அங்கு இன்று அதிகாலை 3 மணி முதல் வருமான வரித்துறையினர் அதிரடி சோதனை நடத்தி வருகின்றனர். டெல்லியியிலிருந்து சென்றுள்ள 15 அதிகாரிகள் இந்த சோதனையில் ஈடுபட்டுள்ளனர். வீடு தவிர பிரவீன் கக்காருக்கு சொந்தமான 6 இடங்களிலும் வருமான வரித் துறை சோதனை நடைபெற்று வருகிறது. இதில் 9 கோடி ரூபாய் மற்றும் பல முக்கிய ஆவணங்கள் கைப்பற்றப்பட்டதாகவும், ஹவாலா பண விவகாரம் தொடர்பாக வருமான வரித்துறையினர் சோதனை நடத்தி வருவதாகவும் தகவல் வெளியாகியுள்ளது.
Next Story
