பயங்கர விபத்தில் அதிர்ஷ்டவசமாக உயிர் பிழைத்த தம்பதி

ஆந்திர மாநிலம் சித்தூர் மாவட்டத்தில், பலமனேர் அருகே உள்ள கங்கவரத்தில் மோட்டார் சைக்கிளில் சென்று கொண்டிருந்த தம்பதி மீது வேகமாக வந்த சொகுசு கார் மோதியது. மோதிய வேகத்தில் கணவன், மனைவி இருவரும் மோட்டார் சைக்கிளுடன் காருக்கு அடியில் சிக்கி கொண்டனர்.  உடனடியாக, கார் நிறுத்தப்பட்டு, அடியில் சிக்கிய தம்பதி மீட்கப்பட்டனர். இதில் லேசான காயமடைந்த இருவரும்,மருத்துவமனைக்கு கொண்டு செல்லப்பட்ட  சிகிச்சைக்குப் பின் வீடு திரும்பினர்.இந்த விபத்து சம்பவம் அங்கிருந்த கண்காணிப்பு கேமராவில் பதிவாகியுள்ளது. தற்போது இந்த காட்சிகள்  வெளியாகி, ஆந்திராவில் வேகமாக பரவி வருகிறது.