மக்களவை தேர்தல் - ரூ. 1,374 கோடி பறிமுதல்

மக்களவை தேர்தலை முன்னிட்டு, இதுவரை நடத்தப்பட்ட சோதனையில், தமிழகத்தில் 91 கோடி ரூபாய் ரொக்கம் மற்றும் நகைகள் உள்பட 185 கோடி ரூபாய் பறிமுதல் செய்யப்பட்டுள்ளது. இது தொடர்பாக தேர்தல் ஆணையம் வெளியிட்டுள்ள பட்டியலின் படி, நாடு முழுவதும் ஆயிரத்து 374 கோடி மதிப்பிலான பணம் மற்றும் பொருட்கள் பறிமுதல் செய்யப்பட்டு உள்ளது.

தமிழகத்தில் இதுவரை, 91 கோடி ரொக்கம் உள்பட 185 கோடி மதிப்பிலான பொருட்கள் பிடிபட்டுள்ளது. புதுச்சேரியில், 2.67 கோடி ரூபாய் ரொக்கம் உள்பட 4 கோடியே 74 லட்சம் ரூபாய் பறிமுதல் செய்யப்பட்டுள்ளது. ஆந்திராவில் 155 கோடி, கர்நாடகா 44 கோடி, கேரளாவில் 14 கோடி மதிப்பிலான பணம் மற்றும் பொருட்கள் பறக்கும் படையினரிடம் பிடிப்பட்டுள்ளது. குஜராத்தில், 509 கோடி, உத்தர பிரதேச மாநிலத்தில் 127 கோடி, பஞ்சாப்பில் 119 கோடி ரூபாய் மதிப்பிலான ரொக்கம் மற்றும் பொருட்கள் பறிமுதல் செய்யப்பட்டுள்ளது.