பாகிஸ்தான் உளவு விமானத்தை சுட்டு வீழ்த்திய இந்தியா - இஸ்ரேல் தொழில் நுட்பத்தை செயல்படுத்தி பார்த்த இந்தியா

பாகிஸ்தானின் ஆளில்லா உளவு விமானத்தை இந்தியா சுட்டு வீழ்த்தி உள்ளது. குஜராத் மாநிலம் கட்ச் வளைகுடா பகுதி அருகே அந்த விமானம் பறந்தபோது, இன்று காலையில் சுட்டு வீழ்த்தப்பட்டது. இதையடுத்து, அப்டாசா என்ற கிராமத்தில் அந்த உளவு விமானத்தின் பாகங்கள் சிதறி விழுந்தன. இந்நிலையில்,  இஸ்ரேலிடமிருந்து சமீபத்தில் இந்தியா வாங்கிய 'ஸ்பைடர்' எனப்படும் பாதுகாப்பு தொழில் நுட்பத்தின் மூலம் இந்த அதிரடி நடவடிக்கை மேற்கொள்ளப்பட்டது எனவும் டெர்பி ஏவுகணை மூலமாக உளவு விமானம் சுட்டு வீழ்த்தப்பட்டதாகவும் இந்திய ராணுவம் தெரிவித்துள்ளது