செல்போனில் பேசியபடியே காரை இயக்கிய இளைஞர் : இளைஞரின் கவனக்குறைவால் மூதாட்டி பலி

கர்நாடகாவில் செல்போன் பேசியபடியே காரை இயக்கிய இளைஞரால் விபத்தில் சிக்கி, மூதாட்டி உயிரிழந்தார். கடந்த 25ஆம் தேதி, ராய்ச்சூர் நகரின் பேருந்து நிலைய கார் நிறுத்த வளாகத்தில், லட்சுமியம்மா என்ற மூதாட்டி  கூடையில் வைத்து பூக்கள் விற்று கொண்டிருந்தார். அப்போது அங்கு காரை நிறுத்தியிருந்த இளைஞர், செல்போன் பேசிக் கொண்டே காரை இயக்கியதில், காரின் சக்கரங்கள் லட்சுமியம்மா மீது ஏறியது.  மீட்கப்பட்டு மருத்துவமனையில் அனுமதிக்கப்பட்டிருந்த அவர், இன்று காலை சிகிச்சை பலனின்றி உயிரிழந்தார். இது தொடர்பாக கண்காணிப்பு கேமராவில் பதிவான காட்சிகள் தற்போது வெளியாகியுள்ளன.