மன்மோகன் சிங் பற்றிய திரைப்பட டிரெய்லருக்கு தடை விதிக்க, டெல்லி உயர்நீதிமன்றம் மறுப்பு

முன்னாள் பிரதமர் மன்மோகன் சிங் பற்றி எடுக்கப்பட்டுள்ள, "The Accidental Prime Minister" எனும் திரைப்படம் வரும் 11-ஆம் தேதி திரைக்கு வருகிறது. இந்தப்படத்தில் மன்மோகன் சிங்காக இந்தி நடிகர் அனுபம்கேர் நடித்துள்ளார். இந்தப்படத்தில் உண்மைக்கு மாறான சம்பவங்கள் இடம் பெற்றுள்ளதாகக் கூறி காங்கிரஸ் கட்சி கடும் கண்டனம் தெரிவித்துள்ளது. இந்நிலையில் இந்தப் படத்தின் ட்ரெய்லர் கடந்த சில தினங்களுக்கு முன்பு வெளியானது. இதையடுத்து, ட்ரெய்லருக்கு தடை விதிக்கக் கோரி, டெல்லி உயர்நீதிமன்றத்தில் பூஜா மகாஜன் என்பவர் மனுத்தாக்கல் செய்தார். இதனை 

நீதிமன்றம் தள்ளுபடி செய்தது. இதைத் தொடர்ந்து, உச்சநீதிமன்றத்தை நாட மனுதாரர் தரப்பு முடிவு செய்துள்ளது.