ரூ.1000 கோடி போதை பொருள் பறிமுதல் - போதை தடுப்பு போலீஸ் அதிரடி வேட்டை

மும்பையில், 100 கிலோ எடை கொண்ட ஆயிரம் கோடி ரூபாய் மதிப்பிலான போதை பொருளை, போதை தடுப்பு பிரிவு போலீசார் கைப்பற்றி உள்ளனர். மும்பையில் ஒரு வீட்டில் போதைப்பொருள்கள் பதுக்கி வைக்கப்பட்டிருப்பதாக கிடைத்த ரகசிய தகவலின் பேரில் போதை தடுப்பு பிரிவு போலீசார் அதிரடி வேட்டையில் ஈடுபட்டனர். அப்போது, மும்பையில் இருந்து மெக்சிகோ நாட்டுக்கு கடத்தி செல்வதற்காக போதை பொருளை பதுக்கி வைத்திருந்தது கண்டுபிடிக்கப்பட்டது. அதிரடி வேட்டையில், 4 பேர் கைது செய்யப்பட்டு உள்ளதாக மும்பை போதைப்பொருள் தடுப்பு பிரிவு டிஜிபி- ஷிவ்தீப் லேண்டே தெரிவித்தார்.