இளைஞரின் உயிரை பறித்த செல்ஃபி மோகம் : கழுத்தில் போட்டிருந்த பாம்பு கடித்து பலி

விஷப்பாம்பை கழுத்தில் போட்டு செல்ஃபி எடுத்த இளைஞர்  அதே பாம்பு கடித்து பலியான சம்பவம் சோகத்தை ஏற்படுத்தியுள்ளது. ஆந்திர மாநிலம், சூலூர்பேட்டை அரகேயுள்ள மங்களம்பாடு கிராமத்தைச் சேர்ந்தவர், ஜெகதீஷ். இவர், பாம்பாட்டி ஒருவர் வைத்திருந்த விஷப்பாம்பை கழுத்தில் மாலை போல் போட்டு செல்ஃபி எடுத்துள்ளார். பாம்பு விஷம் இல்லை என்று பாம்பாட்டி கூறியிருந்த நிலையில், திடீரென அந்த பாம்பு ஜெகதீஷின் கழுத்தில் கடித்தது. இதையடுத்து, மருத்துவமனையில் கொண்டு செல்லும் வழியிலேயே, ஜெகதீஸ் உயிரிழந்தார். இது குறித்து வழக்குப்பதிவு செய்த போலீசார் தலைமறைவான பாம்பாட்டியை கைது செய்தனர்.