தீபாவளிக்காக கேதர்நாத்துக்கு சென்றுள்ள பிரதமர் மோடி

தீபாவளியைக் கொண்டாடுவதற்காக பிரதமர் மோடி உத்தரகாண்ட் மாநிலத்திற்கு சென்றுள்ளார். டெல்லியில் இருந்து விமானம் மூலம் டேராடூன் சென்ற அவர், அங்கிருந்து கேதர்நாத்துக்கு செல்கிறார். அங்கு நடைபெறும் தீபாவளி சிறப்பு பூஜையில் கலந்து கொள்ளும் மோடி, பின்னர் நடைபெறும், பொதுக்கூட்டம் ஒன்றில் உரையாற்ற உள்ளதாக பிரதமர் அலுவலக வட்டாரங்கள் தெரிவிக்கின்றன. இந்தப் பயணத்தின் போது, கடும் மழையால் பாதிக்கப்பட்ட கேதர்நாத் குகை கோவிலில், தற்போது மேற்கொள்ளப்பட்டு வரும் சீரமைப்பு பணிகளையும் ஆய்வு செய்வார் என தெரிகிறது.