வனப்பகுதியில் சுற்றித் திரிந்த மாவோயிஸ்ட் அமைப்பை சேர்ந்த இளைஞர் கைது

கேரள மாநிலம் பாலக்காடு மாவட்டம் அகழி வனப்பகுதியில் போலீசார் தீவிர சோதனையில் ஈடுபட்டு வந்தனர். அப்போது அந்த பகுதியில் சுற்றிதிரிந்த டேனிஷ் என்ற இளைஞரை விசாரித்த போது அவர், மாவோயிஸ்ட் அமைப்பை சேர்ந்தவர் என தெரியவந்தது. இவர் கடந்த 2 ஆண்டுகளாக கேரள மாநிலம் அட்டப்பாடி வனப்பகுதியில் மாவோயிஸ்ட் இயக்கத்துடன் இணைந்து பணியாற்றி வந்துள்ளார். கோவை மாவட்டம் புளியகுளம் பகுதியை சேர்ந்த இவர், தமிழக கேரள எல்லையில் கொரில்லா தாக்குதல் நடத்த திட்டமிட்டு இருந்ததாக போலீசாரிடம் தெரிவித்துள்ளதாக தகவல்கள் தெரிவிக்கின்றன. பாலக்காடு மாவட்ட காவல் கண்காணிப்பாளர் அலுவலகத்தில் வைத்து அவரிடம் விசாரணை நடைபெற்று வருகிறது.