கொல்கத்தா சந்தை பகுதியில் குண்டு வெடிப்பு - குழந்தை பலி; 10 பேர் படுகாயம்

கொல்கத்தாவின் டம்டம் பகுதியில் உள்ள பழக்கடை அருகில், இன்று அதிகாலையில் சக்தி வாய்ந்த வெடிகுண்டு வெடித்தது. இதில், குழந்தை ஒன்று உயிரிழந்தது. மேலும், 10 பேர் படுகாயமடைந்தனர். காயமடைந்த அனைவரும் மருத்துவமனையில் சிகிச்சைக்காக அனுமதிக்கப்பட்டுள்ளனர். வெடிகுண்டு மிகவும் சக்தி வாய்ந்தது எனவும் தாக்குதல் நடத்தியவர்களை தேடி வருவதாகவும் கொல்கத்தா போலீஸ் கமிஷனர் ராஜேஷ்குமார் சிங் தெரிவித்துள்ளார்.