இந்தியாவில் அதிக கடைகளை திறக்கும் பீட்சா ஹட் நிறுவனம்

துரித உணவை விரும்பும் மக்களுக்கு பிடித்தமானதாக இருப்பது பீட்சா வகைகள். விதவிதமான சுவையுடன் நாவில் நீர் ஊற வைக்கும் இந்த பீட்சாக்களை தேடிச் சென்று வாங்குவோரும் அதிகம். இதற்காகவே இந்தியாவில் திறக்கப்படும் பீட்சா கடைகளின் எண்ணிக்கையும் அதிகரித்து வருகிறது. அந்த வகையில்  பீட்சா விற்பனையில் கோலோச்சி வரும் பீட்சா ஹட் நிறுவனம் இந்திய அளவில் வளர்ந்து வரும் நிறுவனமாக உள்ளது. கடந்த காலாண்டில் பீட்சா ஹட்டின் வளர்ச்சி 22 சதவீதம் அதிகரித்து உச்சத்தை எட்டியுள்ளது. துரித உணவுகளில் முன்னணியில் உள்ள கேஎப்சி மற்றும் டேக்கோ பெல் போன்ற நிறுவனங்களை முந்திச் சென்றுள்ளது பீட்சா ஹட். இந்தியாவில் தற்போது 396 கிளைகளை கொண்டுள்ள இந்த நிறுவனம், தனது கடைகளை மேலும் அதிகரிக்க திட்டமிட்டுள்ளதாக கூறப்படுகிறது.