"மேகதாதுவில் அணை கட்ட தீவிர ஆலோசனை" - கர்நாடக முதலமைச்சர் குமாரசாமி கருத்து

சுமூகமான முறையில் மேகதாது அணை கட்டுவதற்கான  நடவடிக்கையை மேற்கொள்ளப்போவதாக கர்நாடக முதலமைச்சர் குமாரசாமி தெரிவித்துள்ளார்.பெங்களூரு விதான் சவுதாவில் நடைபெற்ற அமைச்சரவை கூட்டத்திற்கு பிறகு கர்நாடக முதலமைச்சர் குமாரசாமி,செய்தியாளர்களை சந்தித்தார். அப்போது அவர், மேகதாது அணை  விவகாரத்தில் கர்நாடக அரசு முழு வீச்சுடன் செயல்பட்டு வருவதாக தெரிவித்தார். இது குறித்து மத்திய அமைச்சர் நிதின் கட்கரியிடம் பேசி உள்ளதாகவும், விரைவில் தமிழக முதலமைச்சர் பழனிசாமியுடன் ஆலோசனை நடத்த உள்ளதாகவும் அவர் கூறினார்.