என்.எல்.சி.யில் டீசல் வழங்கியதில் முறைகேடு என புகார் -சென்னை உயர்நீதிமன்றம்
நெய்வேலி பழுப்பு நிலக்கரி ஒப்பந்த பணிகளை மேற்கொள்ள தனியார் நிறுவனத்திற்கு மானிய விலையில் டீசல் வழங்கியதில் நடந்த முறைகேடு குறித்து சட்டப்படி நடவடிக்கை எடுக்க கோரிய மனுவுக்கு, மத்திய அரசு மற்றும் என்.எல்.சி பதிலளிக்க சென்னை உயர்நீதிமன்றம் உத்தரவிட்டுள்ளது.
* சுரங்க பணிகளுக்கு மானிய விலையில் டீசல் வழங்கியதில் பல கோடி ரூபாய் அளவுக்கு என்.எல்.சி.க்கு இழப்பு ஏற்பட்டுள்ளதாக என்.எல்.சி ஜீவா ஒப்பந்த தொழிலாளர்கள் சங்கம் சார்பில் மத்திய ஊழல் தடுப்பு ஆணையத்திடம் புகார் அளிக்கப்பட்டது.
* இந்த புகாரை விசாரித்த மத்திய ஊழல் தடுப்பு ஆணையம், மானிய விலையில் டீசல் வழங்கியதில் எந்த முறைகேடும் இல்லை எனக்கூறி புகாரை முடித்து வைத்தது.
* இதை எதிர்த்து என்.எல்.சி ஜீவா ஒப்பந்த தொழிலாளர்கள் சங்கம் சார்பில் சென்னை உயர் நீதிமன்றத்தில் மனுத்தாக்கல் செய்யப்பட்டது.
* இந்த மனுவை விசாரித்த நீதிபதி ராஜா, மனுவுக்கு 3 வாரத்தில் பதிலளிக்க மத்திய அரசு, சி.பி.ஐ., என்.எல்.சி. நிறுவனம் மற்றும் மத்திய ஊழல் தடுப்பு ஆணையத்துக்கு உத்தரவிட்டார்.
Next Story
