காயங்களுடன் உயிருக்கு போராடிய பாம்புகள் - வீட்டிற்கு எடுத்து சென்று சிகிச்சை அளித்த நபர்

ஓசூர் கேசிசி நகரில் வீடு ஒன்றுக்குள் நுழைந்த குட்டி நாகப்பாம்பை வீட்டு உரிமையாளர்கள் கம்பியால் தாக்கியதில் பாம்பின் உடலில் காயங்கள் ஏற்பட்டுள்ளன. அதேபோல, ஓசூரில் வீடு ஒன்றில் பள்ளம் தோண்டும்போது, ஜேசிபி இயந்திரத்தில் சிக்கி 5 அடி நீளமுள்ள கண்ணாடி விரியன் பாம்பு உடலில் காயம் ஏற்பட்டுள்ளது. இந்த இரண்டு பாம்புகளையும் மீட்ட மாறன் என்பவர், வீட்டிற்கு எடுத்து சென்று, கால்நடை மருத்துவரின் உதவியுடன் சிகிச்சை அளித்து வந்துள்ளார். பாம்புகளின் உடல் நிலை சீரானதை தொடர்ந்து இரு பாம்புகளையும் வனப்பகுதியில் விட்டுள்ளார் மாறன். இறக்கும் தருவாயில் இருந்த பாம்புகளுக்கு புத்துயிர் அளித்த மாறனை அந்த பகுதி மக்கள் பாராட்டி வருகின்றனர்.