மருத்துவ படிப்புகளுக்கு அரசு நிர்ணயித்துள்ள கட்டணம் எவ்வளவு?

தனியார் மருத்துவக் கல்லூரிகளில், அரசு ஒதுக்கீட்டின் கீழ் எம்.பி.பி.எஸ்., சேரும் மாணவர்களுக்கு, 3 லட்சத்து 55 ஆயிரம் ரூபாய் முதல், 4 லட்சம் ரூபாய் வரை, கல்லூரிகளுக்கு ஏற்றது போல் நிர்ணயிக்கப்பட்டிருக்கிறது.

 

இதேபோல் தனியார் மருத்துவக் கல்லூரிகளில், அரசு ஒதுக்கீட்டின் கீழ் பி.டி.எஸ்., படிப்புகளுக்கு, வருடத்திற்கு 2 லட்சத்து 50 ஆயிரம் ரூபாய் கட்டணம் செலுத்த வேண்டும்.

தனியார் மருத்துவக் கல்லூரிகளில், நிர்வாக ஒதுக்கீட்டு இடங்களையும், கலந்தாய்வு மூலம் அரசே நிரப்புகிறது. கட்டணத்தையும் அரசு நிர்ணயித்திருக்கிறது. அதன்படி, எம்.பி.பி.எஸ்., படிப்பிற்கு 12 லட்சத்து 50 ஆயிரம் ரூபாயும், பி.டி.எஸ்., படிப்பிற்கு 6 லட்சம் ரூபாயும் கட்டணமாக நிர்ணயிக்கப்பட்டுள்ளது.

இதுவே, என்.ஆர்.ஐ., மாணவர்களாக இருந்தால், எம்.பி.பி.எஸ்., படிப்பிற்கு, 23 லட்சத்து 50 ஆயிரம் ரூபாயும், பி.டி.எஸ்., படிப்பிற்கு 9 லட்சம் ரூபாயும் கட்டணமாக செலுத்த வேண்டும். 

தனியார் மருத்துவக் கல்லூரிகளில், நிர்வாக ஒதுக்கீட்டு இடங்களில், 15 விழுக்காடு, என்.ஆர்.ஐ., மாணவர்களுக்கு ஒதுக்கீடு செய்யப்பட்டுள்ளது குறிப்பிடத்தக்கது.