பிரணாப் முகர்ஜியை பிரதமராக்க ஆர்.எஸ்.எஸ் திட்டம் - சிவசேனா எம்.பி. சஞ்சய் ராவத் பேச்சால் சர்ச்சை

கடந்த சில நாட்களுக்கு முன்பு, நாக்பூரில் நடைபெற்ற ஆர்.எஸ்.எஸ் அமைப்பின் பயிற்சி முகாம் நிகழ்ச்சியில் காங்கிரஸ் மூத்த தலைவரும் முன்னாள் குடியரசுத் தலைவருமான பிரணாப் முகர்ஜி பங்கேற்றார். இது பல்வேறு சர்ச்சைகளை ஏற்படுத்தியது. இந்த சர்ச்சை ஓய்வதற்குள், சிவசேனா கட்சியின் மூத்த தலைவர் சஞ்சய் ராவத் கூறிய கருத்து தற்போது பரபரப்பை ஏற்படுத்தியுள்ளது. வருகிற நாடாளுமன்ற தேர்தலில் பாஜகவுக்கு பெரும்பான்மை கிடைக்காது என்றும், அப்படி ஒரு சூழல் ஏற்பட்டால், பிரணாப் முகர்ஜியை பிரதமர் பதவிக்கு முன்னிறுத்த ஆர்.எஸ்.எஸ். திட்டமிட்டு உள்ளதாக கூறியுள்ளார்.  மேலும் நாக்பூர்  விழாவில் பிரணாப் முகர்ஜி, விலைவாசி உயர்வு, வேலை வாய்ப்பின்மை, நீதித்துறை உள்ளிட்ட விவகாரங்கள் குறித்து ஒரு வார்த்தையும் பேசவில்லை என்றும் சஞ்சய் ராவுத் கூறியுள்ளார்.