மம்மூட்டிக்கு எதிராக கிளம்பிய புயல் - "முகமது குட்டி ஜோசப் விஜய்" - அமைச்சர் போட்ட பதிவு

பிரபல மலையாள நடிகர் மம்முட்டி நடித்த 'புழு' என்ற திரைப்படம் கடந்த 2022-ஆம் ஆண்டு வெளியாகி நல்ல வரவேற்பை பெற்றது. ஆனால் இந்த திரைப்படம் பிராமணர்களுக்கு எதிராக இருப்பதாக, அச்சமூகத்தினர் எதிர்ப்பு தெரிவித்தனர். அந்த திரைப்படம் வெளியானதில் இருந்து தற்போது வரை, நடிகர் மம்முட்டி சைபர் தாக்குதலை சந்தித்து வருகிறார். இந்நிலையில் மம்முட்டிக்கு ரசிகர்களும், அரசியல் கட்சியினரும் சமூக வலைதளத்தில் ஆதரவு தெரிவித்து வருகின்றனர். கேரள கல்வித்துறை அமைச்சர் சிவன்குட்டி, தன் பேஸ்புக் பக்கத்தில் மம்முட்டி கேரளாவின் பெருமை என பதிவிட்டுள்ளார். மேலும் கேரள அமைச்சர் ஏ.கே.ராஜன் தனது முகநூல் பக்கத்தில், சிலர் மம்முட்டியை முகமது குட்டி என்றும், கமல்ஹாசனை கமாலுதீன் என்றும், விஜய்யை ஜோசப் விஜய் என்று குறிப்பிடுவதாகவும், இதுபோன்ற வெறுப்பு அரசியலுக்கு கேரளாவில் இடமில்லை என்றும் குறிப்பிட்டுள்ளார்.