"'சுறா' படத்தில் நடித்தது போன்று இனி நடிக்க மாட்டேன்" - மனம் திறந்த தமன்னா

விஜய்யுடன் சுறா படத்தில் நடித்தது போன்று இனி நடிக்கவே மாட்டேன் என நடிகை தமன்னா தெரிவித்துள்ளார். சுறா படம் குறித்து நேர்காணலில் பேசிய அவர், சுறா படத்தில் பாடல்கள் மிகவும் பிரபலமாக இருந்ததாகவும், ஆனால் சில காட்சிகளை பார்க்கும் போது, தான் மிகவும் மோசமாக நடித்தது தெரியவந்ததாக குறிப்பிட்டார். தான் நடித்த காட்சிகளை ரசிகர்கள் ஏற்றுக்கொள்ள மாட்டார்கள் என படப்பிடிப்பின் போதே உணர்ந்ததாகவும், ஆனால் ஒப்பந்தம் செய்ததால் வேறு வழியின்றி நடித்ததாக தமன்னா தெரிவித்தார்.