கேரவனில் ரகசிய கேமரா..? "ராதிகா செய்தது பெரிய குற்றம்" - பாய்ந்த பிரபல நடிகை | radhika

கேரளாவில் கேரவனில் ரகசிய கேமரா பொருத்தி நடிகைகளின் ஆபாச காட்சிகள் பகிர்வது தெரியவந்தவுடன், அதை நடிகை ராதிகா சரத்குமார் ஏன் வெளிப்படுத்தவில்லை? என, மலையாள நடிகை பாக்யலட்சுமி கேள்வி எழுப்பியுள்ளார்.

கேரளாவில் கேரவனில் ரகசிய கேமரா பொருத்தி நடிகைகளின் ஆபாச படங்களை பகிர்வதாக நடிகை ராதிகா சரத்குமார், தந்தி டி.வி.க்கு அளித்த பேட்டி தொடர்பாக, மலையாள நடிகை பாக்யலட்சுமி கேள்வி எழுப்பியுள்ளார். இதனை அன்றே வெளிப்படுத்தியிருந்தால் அதுபோன்ற குற்றங்கள் தொடராமல் தடுத்திருக்கலாம் என்று தெரிவித்துள்ளார். தமிழகத்திலும், கேரளாவிலும் பிரபலமான ராதிகா, வேறு பெண்களுக்கு நிகழ்ந்த சம்பவமாக கருதி இதை மறைத்திருந்தால் அது சரியல்ல என்றும் நடிகை பாக்யலட்சுமி குறிப்பிட்டுள்ளார். ஒரு குற்றம் நிகழும்போது அதை பார்த்துவிட்டு வாய்மூடி நிற்பது அதைவிட பெரிய குற்றம் எனவும் நடிகை பாக்யலட்சுமி கூறியுள்ளார். ஆண்களை பேசித் திருத்த முடியாது என்றும் சட்ட ரீதியில்தான் திருத்த முடியும்... தங்களுக்கு கேரவன் வேண்டாம் என்று கூறும் தைரியம் பெண்களுக்கு வேண்டும் என்றும் நடிகை பாக்யலட்சுமி தெரிவித்துள்ளார்.