"இதுவரை சொல்லப்படாத கதைகள்" - மேடையில் பரபரப்பாக பேசிய பா. ரஞ்சித்

பா.ரஞ்சித் இயக்கத்தில் விக்ரம், பார்வதி, மாளவிகா மோகனன் உள்ளிட்டோர் நடித்துள்ள தங்கலான் படத்தின் இசை வெளியீட்டு விழா, சென்னை நந்தம்பாக்கத்தில் நடைபெற்றது. இந்நிகழ்ச்சியில் இசையமைப்பாளர் ஜி.வி.பிரகாஷ் உள்ளிட்ட தங்கலான் படக்குழுவினர் பங்கேற்ற நிலையில், நடிகர் சிவக்குமார், இயக்குநர் விஜய் உள்ளிட்டோர் சிறப்பு விருந்தினர்களாக பங்கேற்றனர். நிகழ்ச்சியில் பேசிய நடிகர் விக்ரம், சேது, பிதாமகம், அந்நியன், ஐ படங்களில் கஷ்டப்பட்டு நடித்ததாகவும், ஆனால் தங்கலான் படத்தின் உழைப்பிற்கு முன்னால் அதுவெறும் 8 சதவீதம் தான் என்றும் தெரிவித்தார். தொடர்ந்து பேசிய இயக்குநர் பா.ரஞ்சித், சொல்லப்படாத கதைகளை எடுக்கவே சினிமாவை தேர்ந்தெடுத்ததாக தெரிவித்தார்.