திருப்பதியில் தமிழில் வெளியான லியோ.. -பட்டாசு வெடித்து அதகளப்படுத்திய ரசிகர்கள்

ஆந்திராவின் திருப்பதி, சித்தூர், நகரி, புத்தூர் ,குப்பம் ஆகியவை உள்ளிட்ட ஊர்களில் இருக்கும் திரையரங்குகளில் இன்று காலை 5 மணி காட்சியாக லியோ தமிழ் திரைப்படம் திரையிடப்பட்டது.

லியோ தெலுங்கு திரைப்படத்தை பெயர் பிரச்சினை காரணமாக நாளை வரை திரையிட ஹைதராபாத் நீதிமன்றம் தடை விதித்துள்ளது.

இந்த நிலையில் நீதிமன்றம் மூலம் திரைப்படத்தை திரையிட தடை ஆணை பெற்றவரிடம் பேச்சுவார்த்தை நடத்தி லியோ தெலுங்கு திரைப்படத்தை திரையிட முயற்சிகள் மேற்கொள்ளப்பட்ட நிலையில் இன்று காலை 5 மணிக்கு சிறப்பு காட்சியாக லியோ தமிழ் திரைப்படம் ஆந்திராவில் வெளியிடப்பட்டுள்ளது.

திரைப்படத்தை பார்ப்பதற்காக டிக்கெட் வாங்கி இருந்த தமிழகத்தைச் சேர்ந்த ரசிகர்கள் உள்ளிட்டோர் நேற்று இரவே தியேட்டர்களுக்கு வந்து குளிருக்கு இதமாக தீ மூட்டம் போட்டு விடிய விடிய காத்திருந்து திரைப்படத்தை பார்த்து கொண்டிருக்கின்றனர்.