மீண்டும் இணைகிறதா விஜய்-சிம்ரன் ஜோடி ?

நடிகர் விஜய்யின் அடுத்த படத்தில் நடிகை சிம்ரன் இணையவுள்ளதாக தகவல் வெளியாகியுள்ளது. இதுகுறித்து பார்க்கலாம் விரிவாக..

அரசியலில் பிசியாக உள்ள விஜய், இன்னும் ஒரு படத்தில் மட்டுமே நடிப்பார் என கூறப்படும் நிலையில், தனது அண்மைக்கால படங்களில் தனது ஹிட் ஜோடிகளுடன் நடித்து வருகிறார் விஜய்...

முன்னதாக கீர்த்தி சுரேஷ், ராஷ்மிகா மந்தனா உள்ளிட்ட நடிகைகளுடன் நடித்து வந்த விஜய், தன் பாணியை மாற்றி தனது கெரியரில் ஹிட் அடித்த நடிகைகளுடன் நடித்து வருகிறார்...

இப்படி திருப்பாச்சி, கில்லி, குருவி, உள்ளிட்ட படங்களில் நடித்த திரிஷாவுடன் லியோ திரைப்படத்தில் இணைந்தார்..

அதே போல் வசீகரா படத்தில் அசத்தியிருந்த விஜய்-சினேகா காம்போ தி கோட் திரைப்படத்தில் இணைந்திருந்தது...

இந்த சூழலில் தான், அடுத்த படத்திற்கு விஜய்க்கு ஜோடியாக சிம்ரன் நடிக்கவுள்ளதாக தகவல் வெளியாகியுள்ளது..

விஜய்யின் ஹிட் காம்போவில் தவிர்க்க முடியாத இடத்தை பிடித்தவர் சிம்ரன்..

1997ல் ஒன்ஸ் மோர் படத்தில் இணைந்த இந்த ஜோடி துள்ளாத மனமும் துள்ளும் படம் மூலம் ஹிட் அடித்தது..

அதிலும் பிரியமானவளே திரைப்படம் விஜய் ரசிகர்களின் ஆல் டைம் ஃபேவரைட் என்றே சொல்லலாம்..

இது மட்டுமன்றி யூத் திரைப்படத்தில் இருவரும் ஆடிய ஆல் தோட்ட பூபதி பாடல் இன்றளவும் வைப் மெட்டீரியல்..

இப்படி பல ஹிட்டுகளை கொடுத்த ஜோடி மீண்டும் இணையப் போகிறது என்று கொண்டாடுகின்றனர் விஜய் ரசிகர்கள்..

ஏற்கனவே கோட் திரைப்படத்தில் சிம்ரன் நடிக்கவிருப்பதாக கூறப்பட்ட நிலையில், சினேகா கைக்கு சென்றது அந்த வாய்ப்பு..

ஆனால் தற்போது விஜய்யின் 69வது படத்தில் சிம்ரன் நடிப்பது கிட்டத்தட்ட உறுதியாகியுள்ளது, விஜய் ரசிகர்களை குஷிப்படுத்தியுள்ளது.